මට දෙනවා නේද ??

හැමදාමත් කිව්වා ඔයා..

ඒත්.. මට ඒ කිසි දෙයක් තෙරුනේ නෑ..

සමහරවිට තේරුම් ගන්න උත්සහ කරන්න නැතිව ඇති...

ඇත්තමයි.. මම ඒ ගැන හිතුවෙවත් නෑ..

ඔව්.. ඔයා තමයි වැරදිකාරයා...

ඔයා මට හිතන්න ඉඩක් දුන්නේ නෑ...

මං හිතුවේ ඔයා ගැන.. ඔයා ගැන විතරමයි...

දැනුනෙවත් නැතුව මං අතරමං වෙලා..

නුපුරුදු වටපිටාවක මම තනියම...

ලෝකෙට මගේ නෙත් විවර වෙද්දි..

ගොඩාක් පරක්කුයි.. ගොඩාක්..

ඔයා කියනකොට මම කනටවත් ගත්තේ නැති..

ඒ පිටස්තර ලෝකේ..

අද මම විතරක්.. ඒත්..

තාමත් මම හොයන්නෙ ඔයාව..

මගේ පුරුදු ලෝකය...

කවදාහරි ආයෙමත් ඇවිත්...

මට දෙනවා නේද ??

මගේ පුරුදු ලෝකය??

සොයයි සොයයි සිත පිළිතුරක්..

සුලක් මුලක් නැති පෙම් කවක්...

ලියයි ලියයි සිත නොදැනුවත්...

හැබෑ නොවන බව දැන දැනත්...

හඹයි හඹයි නුඹෙ පෙම පතන්...

අතරමං කර එක හිතක්..

හිඳියි හිඳියි නුඹ නෙතු අයන්..

ඉවක් බවක් නැති ගල් හිතක්..

තලයි තලයි සිත නැති ඉමක්..

මංමුලා වුණු සිතට සැපක්..

සොයයි සොයයි සිත පිළිතුරක්..

ගැටලු ගැටලු පිට පැන ගොඩක්...

දවයි දවයි සිත මහමෙරක්...

දුක පමණක් යලි අලුත් වනු ඇත..

නොසිතූ මොහොතක ඔබ මා හැර ගිය..
පාලු අතීතෙක තනිකර සදහට...
සිතුවේ නෑ යලි එවැනිම මොහොතක..
හමු වේ යැයි අපි යන එන මග තොට...

එදා මග බැලුව එනතුරු ඔබ වෙත...
ඒ නෙත් ඇයි අද සඟවනු මා දැක..
අසනට තිබුනත් දස දහසක් පැන..
ඔබ දැක ඇයි සිත නැවතී මේ ලෙස...

පෙර සිතුවම් දැවටෙයි නෙතු අද්දර..
කඳුලු බිඳු පිරෙයි නොදැනිම නෙතු අග..
නොදුටු විලසින් සිතම සිරකර..
නඟමි පියවැල් පාලු මග දිග...

දනිමි හොඳ හැටි අලුත් නොවන වග..
අප හදවත් යලි කිසිම දිනයක..
දුක පමණක් යලි අලුත් වනු ඇත..
බිඳුනු සිතකට තනිය උරුම කර...